Астана, 2026 жылғы 5 қазан – Karavan Info ақпараттық агенттігі. Қазақстан Сыртқы істер министрінің орынбасары Арман Исағалиев Израиль мемлекетінің Қазақстандағы елшісі Йоав Быстрицкиймен кездесті. Тараптар ағымдағы екіжақты, аймақтық және халықаралық мәселелерді талқылады.

Сауда-экономикалық және инвестициялық ынтымақтастықты одан әрі нығайту басымдық ретінде анықталды. Осыған байланысты, биылғы жылы өтетін Сауда-экономикалық ынтымақтастық жөніндегі бірлескен үкіметаралық комиссияның алдағы отырысының күн тәртібі талқыланды. Кездесу қорытындысы бойынша ақпараттық технологиялар, ауыл шаруашылығы және инновациялар сияқты салалардағы серіктестікті дамыту бойынша күш-жігерді жандандыру туралы келісімге қол жеткізілді.

Фото : Қазақстан Республикасы Сыртқы істер министрлігі