Остона, 7 октябри соли 2026-АИ Караван Инфо. Намояндагони академияи миллии санъати Қазоқистон ба номи Темирбек Ҷургенов дар ҷашнвораҳои байналмилалии Канада ва Русия се ҷоиза гирифтанд.

Дар кинофестивали “Лун” дар Оттава донишҷӯи курси сеюм Ерахат Ерсайинов бо филми “Ҷазираи гумшуда” ҷои сеюмро гирифт. Фестивал филмҳои бадеӣ, ҳуҷҷатӣ, аниматсионӣ ва таҷрибавӣ, ки ба табиат, сулҳ ва ҳифзи ҳайвонот бахшида шудаанд, муттаҳид мекунад ва ба дастгирии кинематографистони ҷавон равона шудааст.

Ду ҷоизаи дигарро намояндагони академия дар Фестивали IV Байналмилалии донишҷӯён – “Восхождение” дар Маскав ба даст оварданд. Барномаи озмун 50 филмро аз ҳафт кишвари Иттиҳоди Давлатҳои Мустақил (ИДМ) дар бар мегирад. Филми “Пуповина” – и хатмкунандаи барномаи таълимии “Режиссураи аниматсия” Бауиржан Адаев дар номинатсияи “Беҳтарин режиссураи филми аниматсионӣ” ғолиб омад. Филми “Май”- и донишҷӯи курси чоруми самти “Режиссураи филми бадеӣ” Мирзо Маҳамбет барои қадамҳои аввалини худ дар маҳорати актерӣ ба ҷоизаи махсуси ҳакамон сазовор гардид.

Фестивали “Восхождение” дар доираи форуми “Кинотаълим: лоиҳаҳои муштараки таълимии давлатҳои ИДМ” дар донишгоҳи давлатии кинематографии Умумирусиягии ба номи С.А. Герасимов баргузор шуд.

Аксҳо: Вазорати варҳанг ва иттилооти ҶҚ