Ostona, 2026-yil 13-oktabr – Karavan Info axborot agentligi. Qozogʻiston va Belgiya tashqi ishlar vazirliklari 2027–2029-yillarga moʻljallangan hamkorlik yoʻl xaritasini imzoladilar. Hujjatda siyosiy muloqotni faollashtirish, muntazam maslahatlashuvlar, idoralararo aloqalarni mustahkamlash va qoʻshma tashabbuslar koʻzda tutilgan. Imzolash Belgiya qiroli Filippning davlat tashrifi doirasida boʻlib oʻtdi.

Uchrashuvni Qozogʻiston tashqi ishlar vazirining birinchi oʻrinbosari Yerjan Ashikbayev va Belgiya Tashqi ishlar, savdo va taraqqiyot hamkorligi boʻyicha Federal davlat xizmati Boshqaruv qoʻmitasi raisi Teodora Gentzis olib bordi. Tomonlar Yevropa Ittifoqi bilan hamkorlik, jumladan, vizalarni yengillashtirish va qayta qabul qilish toʻgʻrisidagi bitimlar istiqbollarini muhokama qilishdi. Shuningdek, xalqaro kun tartibi, BMT doirasidagi hamkorlik va xavfsizlikni mustahkamlash boʻyicha fikr almashdilar.

“Tomonlar hamkorlikni chuqurlashtirish va kelishuvlarni amaliy amalga oshirishdan, jumladan, 2027-yilda diplomatik munosabatlar oʻrnatilganining 35 yilligi arafasida manfaatdor ekanliklarini tasdiqladilar”, deb xabar berdi Tashqi ishlar vazirligi.

Surat : Qozog'iston Respublikasi Tashqi ishlar vazirligi