AFG'ONISTON, 2026-yil 15-oktabr – Karavan Info axborot agentligi. Saudiya Arabistoniga rasmiy tashrifi chog'ida Afg'oniston Tolibon ma'muriyati energetika va suv resurslari vaziri Muhammad Yunus Axundzoda ushbu mamlakat energetika vaziri o'rinbosari Muhammad Ibrohim bilan uchrashdi.

Afgʻoniston tomoni Saudiya Arabistoni vakillari va texnik mutaxassislarini Afgʻonistonga tashrif buyurishga taklif qildi. Saudiya tomoni taklifni mamnuniyat bilan qabul qildi.

Tolibon ma'muriyatining Energetika va suv resurslari vazirligi chorshanba, 14-oktabr kuni xabar berganidek, uchrashuvda energetika sohasida, xususan, quyosh va shamol energiyasi sohasida hamkorlikni kengaytirish, tajriba almashish va qo'shma loyihalarni amalga oshirish imkoniyatlari muhokama qilindi.

Saudiya Arabistoni tomoni yaqin kelajakda mavjud imkoniyatlarni baholash va hamkorlikning amaliy yo'nalishlarini muhokama qilish uchun Afg'onistonga o'z vakillari va texnik guruhni yuborish niyatini e'lon qildi.

Muhammad Yunus Axundzoda boshchiligidagi delegatsiya 10-oktabr, shanba kuni 17-Jahon energetika forumida ishtirok etish uchun Saudiya Arabistoniga yetib keldi.

Surat: Ariana News