Астана, 2026-жылдын 19-октябры – Karavan Info маалымат агенттиги. Казакстан менен Камбоджа соода-экономикалык кызматташтык жөнүндө меморандумга кол коюшту. Документтерди алмашуу аземи Акорда резиденциясында президент Касым-Жомарт Токаев менен Камбоджанын премьер-министри Хун Манеттин катышуусунда өттү.

Документке соода жана интеграция министри Арман Шаккалиев жана Камбоджанын соода министри Чам Нимул кол коюшту. Меморандум соода, инвестиция, чакан жана орто бизнес, транспорт жана логистика, айыл чарбасы, энергетика, санариптештирүү жана техникалык жөнгө салуу тармактарын камтыйт. Анда ишкер чөйрөлөрдүн ортосундагы түз байланыштарды кеңейтүү, тажрыйба алмашуу жана биргелешкен иш-чараларды өткөрүү каралган.

Сүрөт : Акорда