ООГАНИСТАН, 2026-жылдын 22-октябры – Karavan Info маалымат агенттиги. Ооганстандын Өнөр жай жана соода министрлиги 10 тармак жана 32 экономикалык багытта 1000 инвестициялык мүмкүнчүлүктөрдү сунуштады.

Департаменттин башчысы Нуриддин Азизинин айтымында, өлкөнүн жылдык импорту болжол менен 11 миллиард долларды түзөт, анын олуттуу бөлүгү жабдуулар жана чийки заттардан турат. Бирок, талиптер экспорттун толук маалыматын берген жок.

Азизи инвестицияларды тартуу боюнча ведомстволор аралык комитет түзүлгөндөн бери экономикалык инвестиция 43 миллиард долларга жеткенин билдирди. Ошондой эле министрлик дагы 1000 инвестициялык мүмкүнчүлүктү баалоону пландаштырууда.

Министр ишкерлерди суроо-талап жогору болгон тармактарга инвестиция салууга чакырды жана жогорку сапаттагы жана арзан продукцияларды өндүрүүнүн маанилүүлүгүн баса белгиледи.

Сүрөт: Шамшад ТВ