БОРБОРДУК АЗИЯ, 2026-жылдын 22-октябры – Karavan Info маалымат агенттиги. БУУнун Башкы Ассамблеясынын 81-сессиясынын төрагасы Халил ур-Рахман Өзбекстандын тышкы иштер министри Бахтиёр Саидов менен жолугушту.

Тараптар бир катар маселелерди, анын ичинде Ооганстандагы кырдаалды талкуулашты.

Халил ур Рахмандын айтымында, жолугушууда эл аралык жана аймактык кызматташтыкты чыңдоо аракеттери да талкууланды.

Бахтиёр Саидов тараптар БУУнун алкагындагы кызматташуу, Башкы Ассамблеянын 81-сессиясынын күн тартиби жана учурдагы эл аралык маселелер боюнча пикир алмашканын билдирди. Ошондой эле ал сессиянын төрагасына Өзбекстандын эл аралык демилгелерин колдогону үчүн ыраазычылык билдирди.

Ооганстандагы кырдаалды талкуулоонун чоо-жайы ачыкталган жок.

Халил ур-Рахман Өзбекстанга болгон сапарынын алкагында өлкөнүн президенти менен да жолугушту. Эки тарап эки тараптуу кызматташтыкты андан ары кеңейтүү жана чыңдоо маселелерин талкуулашты.

Сүрөт: Бахтиёр Саидовдун социалдык тармактагы баракчасынан