Душанбе, 12 ноябр, – АИ «Корвон Иттилоот». 10 ноябри соли 2026 вазири корҳои хориҷии Ҷумҳурии Тоҷикистон Сироҷиддин Муҳриддин дар Ҳамоиши байналмилалии таъмини амнияти дастҷамъӣ иштирок намуда, зимни нишасти умумии он: “Амнияти дастҷамъӣ дар ҷаҳони бисёрқутбӣ”, суханронӣ кард.

Зимни суханронӣ роҳбари ниҳоди сиёсати хориҷии Тоҷикистон ба аҳаммияти таҳкими ҳамкории байналмилалӣ ва минтақавӣ, такмили механизмҳои таъмини амният ва рушди муколамаи созанда байни давлатҳо дар шароити воқеии муосири геосиёсӣ таъкид дошт. Таваҷҷуҳи вежа ба зарурати таҳияи рӯйкардҳои ҳамоҳангшуда ва муттаҳидсозии талошҳои ҷомеаи байналмилалӣ ба мақсади муқовимати самаранок ба хавфу таҳдидҳои нави замон зоҳир гардид.

Дар ҷараёни ҳамоиш перомуни масъалаҳои муҳими амнияти байналмилалӣ, инчунин, нақши созмонҳои минтақавӣ дар ҳифз ва таҳкими суботи байналмилалӣ табодули афкор сурат гирифт.

Акс: Вазорати корҳои хориҷии Ҷумҳурии Тоҷикистон