ҚР бірінші ағарту вице-министрі Наталья Жұмаділдаева Еревандағы мұғалімдер мен білім беру қызметкерлерінің VIII Съезіне қатысты, онда ТМД елдерінде білім беруді дамытудың өзекті мәселелері талқыланды.

Өз сөзінде Наталья Жұмаділдаева білім берудің сапасы мен қолжетімділігін арттыруға бағытталған Қазақстанның білім беру жүйесіндегі реформалар туралы айтты. Білім беру сапасын бағалау және мұғалімдердің оқуы мен жұмысы үшін қолайлы жағдайлар жасау мәселелеріне ерекше назар аударылды.

«Сапалы білім беру – кез келген елдің тұрақты дамуына қол жеткізудің негізі. Қазақстанда біз оқушылардың білімі мен дағдыларын бағалауға, сондай – ақ заманауи білім беру ортасын құруға көп көңіл бөлеміз», — деп атап өтті бірінші вице-министр.

Съезге қатысушылар оқытудың жаңа тәсілдерін, білім берудегі цифрлық технологияларды дамытуды, мектептердегі қауіпсіздікті қамтамасыз етуді және педагогтардың біліктілігін арттыруды қоса алғанда, көптеген мәселелерді талқылады. Қазақстандық сарапшылар білім беру стандарттарын әзірлеу және оқытудың инновациялық әдістемелерін енгізу саласындағы өз тәжірибелерімен бөлісті.

Фото: ҚР білім министрлігі