Жақында Каспий теңізінде өткен жаттығулар барысында теңіз жаяу әскерлерінің десантық-шабуыл батальонының әскери қызметшілері амфибиялық қонуды және плацдармды басып алуды сәтті өткізді. Теңіз жаяу әскерлері жауынгерлік дайындық пен іс қимылдардың үйлесімділігінің жоғары деңгейін көрсетті.

Жаттығу кеме артиллериясының атыс қолдауымен шартты жаудың қорғанысын бұзудан басталды. Десантшылар қайықтардан сәтті түсіп, жағалау сызығын басып алды. Оқу шайқасы барысында түрлі тактикалық тәсілдер, соның ішінде бекіністі позицияларға шабуыл жасау және жаудың атыс нүктелерін жою пысықталды.

Операцияның сәттілігінде авиация маңызды рөл атқарды. Ми-8 көлік-шабуыл тікұшақтары десантық топтарды жаудың артқы жағына жеткізді, ал жауынгерлік тікұшақтар атыс жамылғысын қамтамасыз етті.

Әскери-теңіз базасының командирі, 2-дәрежелі капитан Бауыржан Мұратұлының айтуынша, жаттығулар сәтті өтіп, теңіз жаяу әскерлерін қиын жағдайларда міндеттерді орындауға дайындаудың маңызды кезеңіне айналды.

Фото: ҚР ҚМ