Астанада ҚР экология және табиғи ресурстар вице-министрі Мансұр Ошурбаев ШЫҰ-ға мүше мемлекеттердің Қытай технологиялар трансфері орталығының өкілдерімен кездесті. Тараптар жасыл технологиялар және климаттың өзгеруіне қарсы күрес саласындағы қазақстан-қытай ынтымақтастығын дамыту перспективаларын талқылады.

Вице-министр Қазақстан үшін технологиялар трансферінің экологиялық және экономикалық мақсаттарға қол жеткізудегі маңыздылығын атап өтті. Озық технологиялармен алмасу елімізге қоршаған ортаны қорғау саласында инновациялық шешімдерді енгізуге және неғұрлым орнықты дамуға көшуге мүмкіндік береді.

Кездесу барысында бірлескен жобаларды іске асыру бойынша нақты қадамдар талқыланды. Тараптар экологиялық технологиялар саласындағы ынтымақтастықты одан әрі нығайтуға және тәжірибе алмасуға дайын екендіктерін білдірді.

Фото: ҚР экология және табиғи ресурстар министрі