Финансылык мониторинг агенттиги Казакстандагы маңзат соодасына олуттуу сокку урду. Кеңири масштабдуу атайын операциянын натыйжасында АКШдан баңги затын аткезчилик менен алектенген эл аралык кылмыштуу топтун ишмердүүлүгүнө бөгөт коюлган.

АФМ кызматкерлери мыйзамсыз баңгизат жүгүртүүнү уюштурууга жана жүргүзүүгө катышкан он адамды кармашты. Тинтүү учурунда ири өлчөмдөгү марихуана жана гашиш алынган, аларды баңги аткезчилери Казакстан боюнча таратууну пландаган.

Тергөөнүн жүрүшүндө баңгизаттар өлкөгө почта аркылуу алынып келинип, кадимки посылкаларга катылганы аныкталган. Кылмыштуу схеманын уюштуруучулары өтө кылдаттык менен иш алып барышкан, бирок оперативдүү кызматкерлер аларды аныктап, кылмыш иштерин токтотууга жетишкен.

Жыл башынан бери аткезчилик жана баңги затын мыйзамсыз жүгүртүү фактылары боюнча 93 кылмыш иши козголуп, 50 килограммдан ашык ар кандай баңги заттары алынган.

Сүрөт: freepik.com