Люксембургке сапары аясында Қазақстан Премьер-Министрінің орынбасары және сыртқы істер министрі Мұрат Нұртлеу Еуропалық инвестициялық банктің (ЕИБ) Президенті Надия Кальвиньомен кездесті. Кездесуде су ресурстарын жаңғырту мен көлік инфрақұрылымын қоса алғанда, Қазақстандағы негізгі инвестициялық жобалар талқыланды.

Ағынды суларды тазарту жүйелерін жақсарту және су тасқынынан қорғау құрылыстарын салу мәселелеріне ерекше назар аударылды, бұл әсіресе Орталық Азия үшін өзекті. Қазақстан Еуропалық серіктестерге Транскаспий халықаралық көлік бағытын дамыту сияқты стратегиялық жобаларға қатысуды ұсынды, бұл өңірдегі сауда-көлік байланыстары үшін жаңа мүмкіндіктер ашады.

Сондай-ақ «жасыл» технологиялар және цифрлық инфрақұрылым саласындағы бастамаларды қоса алғанда, Қазақстанның орнықты дамуы жөніндегі жобаларды қаржыландыру талқыланды. Тараптар инвестициялық ынтымақтастықты нығайтуға және жаңа бірлескен жобаларды әзірлеуге келісті.

ЕИБ-пен кездесуден басқа, М. Нұртілеу «Sarens», «Cargolux» және «SES» компанияларының өкілдерімен келіссөздер жүргізіп, көлік-логистикалық ынтымақтастық және Қазақстанның цифрлық саладағы және жүк авиатасымалдарындағы мүмкіндіктерін кеңейту мәселелеріне назар аударды.

Фото: ҚР СІМ