Астанада Қазақстан халқы Ассамблеясының жыл сайынғы «Қайырымдылық керуені» форумы өтті, оған еліміздің түкпір-түкпірінен меценаттар, еріктілер мен мемлекеттік органдардың өкілдері жиналды. Республика күніне орайластырылған іс-шара қазақстандықтардың бірлігі мен өзара көмегінің жарқын айғағы болды.

Форум аясында 1 наурызда басталған «Қайырымдылық керуені» ауқымды республикалық акциясының қорытындысы шығарылды. Осы уақыт ішінде еріктілер мен қайырымдылық жасаушылар «Жүректен жүрекке» және «Мектеп жолы»сияқты көптеген экологиялық, әлеуметтік және қайырымдылық акцияларын өткізді.

Форумда акцияның ең белсенді қатысушыларын марапаттау рәсімі өтті. «Жомарт жан» ҚХА құрмет белгісімен қайырымдылыққа елеулі үлес қосқан меценаттар, еріктілер және қоғамдық ұйымдардың өкілдері марапатталды.

Фото: ҚР Мәдениет және ақпарат министрлігінің баспасөз қызметі