Алматыда жалпы сомасы 317,6 млн АҚШ долларын құрайтын келісімдерге қол қойылған екінші Қазақстан-ауған бизнес-форумы өтті. Бұл оқиға екі ел арасындағы сауда-экономикалық ынтымақтастықтың нығаюының тағы бір дәлелі болды.

Форум аясында қазақстандық және ауғандық бизнесмендер арасында көптеген екіжақты кездесулер өтті. Келіссөздер қорытындысы бойынша Ауғанстанға қазақстандық астық, ұн, рапс, күнбағыс және соя бұршақтарын жеткізуге келісімшарттар жасалды.

Осы келісімдерге қол қою екіжақты сауданың дамуына ықпал етіп қана қоймай, басқа салалардағы ынтымақтастық үшін жаңа перспективалар ашады. Қазақстандық компаниялар өз өнімдерін өткізу нарығын кеңейтуге, ал ауған тұтынушылары өздерін қажетті азық – түлік тауарларымен қамтамасыз етуге мүмкіндік алады.

Фото: ҚР сауда және интеграция министрлігі