Астанада су тасқыны тәуекелдерін басқару бойынша Нидерланд сарапшылары ұйымдастырған екінші семинар өтуде. Іс-шара осы саладағы қазақстандық мамандардың біліктілігін арттыруға бағытталған.

Су ресурстарын басқару саласындағы Нидерландымен ынтымақтастық белсенді дамып келеді. Ағымдағы жылдың мамыр айында су және ирригация министрлігі Дельфт су білім беру институтымен (IHE Delft) ынтымақтастық туралы меморандумға қол қойды. Құжатқа сәйкес, қазақстандық мамандар су ресурстарын басқару бойынша, оның ішінде су тасқынының салдарын болдырмау және жою мәселелері бойынша оқытудан өтетін болады.

Нидерландтық су тасқыны қаупін азайтуды қолдау тобы ұйымдастырған қазақстандық мамандарға арналған алғашқы семинар осы жылдың тамыз айында өтті. Оған су ресурстарын басқаруға және табиғи апаттардың салдарын жоюға жауапты түрлі мемлекеттік органдар мен ғылыми мекемелердің өкілдері қатысты.

Су ресурстары және ирригация министрлігінің ғылым және инновациялар департаментінің директоры Мүслім Жиенбаевтың айтуынша, алынған білім қазақстандық мамандарға су тасқыны мен басқа да табиғи апаттарға тиімді қарсы тұруға мүмкіндік береді.

Фото: ҚР Су ресурстары және ирригация министрлігі