O‘zbekiston tashqi ishlar vaziri Baxtiyor Saidov Iqtisodiy hamkorlik tashkiloti (IHT) Bosh kotibi Asad Majid Xon bilan uchrashdi.

Uchrashuvda Toshkentda “Iqtisodiy barqarorlik va taraqqiyot yo‘lida birgalikda” mavzusida o‘tkazilgan IHTning 16-sammiti tashkilot pozitsiyasini mustahkamlagani va hamkorlikka yangi sur’at bag‘ishlagani alohida ta’kidlandi.

Tomonlar O‘zbekiston Prezidentining IHT doirasidagi tashabbuslarini amalga oshirish masalalarini muhokama qilib, a’zo mamlakatlar o‘rtasidagi hamkorlikni kuchaytirish uchun amaliy mexanizmlarni yaratish zarurligini ta’kidladilar. Shuningdek, mintaqada iqtisodiy o‘sishni qo‘llab-quvvatlashga qaratilgan bo‘lajak qo‘shma tadbirlar rejalari va jadvali ko‘rib chiqildi.