Қазақстан президенті Қасым-Жомарт Тоқаев моңғол көшбасшысы Ухнаагийн Хурэлсухтың шақыруымен Моңғолияға мемлекеттік сапармен келді. Қазақстан делегациясын Ұлан-Батор әуежайында Моңғолияның Сыртқы істер министрі Батмунхийн Батцэцэг қарсы алды.

Сапар аясында мемлекет басшылары екіжақты қатынастарды нығайтуға және елдер арасындағы ынтымақтастықты дамытуға бағытталған жоғары деңгейдегі келіссөздер жүргізеді.

Сондай-ақ, әртүрлі салалардағы жаңа бірлескен жобалардың негізін қалайтын бірқатар негізгі құжаттарға қол қою жоспарлануда.

Бұл сапар Қазақстан мен Моңғолия арасындағы стратегиялық әріптестіктің маңыздылығын көрсетеді және оны нығайтудың кезекті қадамы болып табылады.

Фото:  Акорданың баспасөз қызметі