Казакстандын тышкы иштер министринин орун басары Алибек Бакаев Европарламенттин Борбордук Азия жана Монголия менен байланыштар боюнча делегациясынын төрайымы Жузеппина Принци менен жолугушту. Сүйлөшүүнүн жүрүшүндө саясий байланыштардын жогорку динамикасы жана «Казакстан-Европа Биримдиги» парламенттик кызматташтык комитетинин ишинин натыйжалуулугу баса белгиленди. Тараптар стратегиялык өнөктөштүктү жана маанилүү тармактарда өз ара аракеттенүүнү мындан ары да чыңдоо ниетин билдиришти.
Алибек Бакаев туруктуу өнүгүүнүн жана экономиканы диверсификациялоонун узак мөөнөттүү максаттарына жооп берген жашыл энергетика, сейрек кездешүүчү минералдар жана транспорттук байланыш сыяктуу тармактарда кызматташууну кеңейтүүнүн маанилүүлүгүн белгиледи. Казакстандын жарандары үчүн визалык процедураларды жөнөкөйлөтүүгө өзгөчө көңүл бурулду, бул ЕБ менен Казакстан Республикасынын ортосундагы өз ара аракеттенүүнүн жаңы перспективаларын ачат.
Мындан тышкары, Казакстандын Юстиция, Маданият жана маалымат министрликтеринин өкүлдөрү европалык кесиптештерине адам укуктарын коргоо жана мыйзам үстөмдүгүн бекемдөө жаатындагы олуттуу аракеттер тууралуу айтып беришти. Жолугушуунун жыйынтыгында тараптардын практикалык натыйжаларга жана тыгыз өнөктөштүккө умтулуусу баса белгиленип, соңунда Алибек Бакаев Европарламенттинделегациясына иш сапарынын ийгиликтүү болушун каалады
Сүрөттө: Казакстан Республикасынын Тышкы иштер министрлиги