Toshkent viloyatining Yuqori Chirchiq tumanida Milliy futbol markazi qurilishini ko‘zdan kechirish bo‘lib o‘tdi. Unda O‘zbekiston futbol assotsiatsiyasi (O‘FA) rahbariyati va Sport vazirligi vakillari ishtirok etdilar. Ishchi guruh qurilish ob’ektlarini borib ko‘rdi hamda barcha xalqaro standartlarga mos keladigan loyiha bilan tanishdi.

Markazning O‘zbekistonda futbolni rivojlantirish uchun eng muhim infratuzilmaga aylanishi kutilmoqda. Uning tarkibiga bir nechta futbol maydonlari, futbolchilar uchun mehmonxona, ta’lim markazi, shuningdek, zamonaviy davolash-reabilitatsiya majmuasi va mashq zallari kiradi.