Минералды шикізатты кешенді өңдеу жөніндегі ұлттық орталықтың қазақстандық ғалымдары Грецияда өткен беделді SIPS2024 халықаралық саммитіне қатысты. Бұл іс-шара тұрақты даму мәселелерімен айналысатын әлемнің түкпір-түкпірінен келген жетекші ғалымдар мен мамандарды біріктіреді.
Саммиттің негізгі идеясы-дамудың экологиялық, әлеуметтік және экономикалық аспектілері арасындағы тепе-теңдікке қол жеткізу. Қазақстандық ғалымдар форумда қайталама шикізат негізінде отқа төзімді заттарды өндірудің инновациялық технологиясын ұсынды. Бұл технология қоршаған ортаны қорғауға ықпал етіп қана қоймай, елдің экономикалық өсуі мен әлеуметтік дамуын ынталандырады.
Орталықтың Астана филиалы өз қызметінің он жылдығында қазақстандық металлургия кәсіпорындарына 15 мың тоннадан астам отқа төзімді заттар өндіріп, жеткізді. Бұл өнеркәсіптік қалдықтардың көлемін едәуір қысқартуға және ел бюджетіне айтарлықтай кіріс әкелуге мүмкіндік берді.
Фото: ҚР өнеркәсіп және құрылыс министрлігі