Казакстандын адам укуктары боюнча ыйгарым укуктуу өкүлү Артур Астаев Европа парламентинин делегациясы менен жолугушуу өткөрүп, улуттук укук коргоо институтунун ишинин жыйынтыктары менен тааныштырды. Ал конституциялык реформа Акыйкатчынын статусун жана ыйгарым укуктарын кыйла бекемдеп, анын көз карандысыздыгын камсыз кылганын баса белгиледи.

Ластаев жарандардын Омбудсмен институтуна болгон ишеними олуттуу өскөнүн белгиледи. Жарандардын кайрылууларынын саны кыйла көбөйдү, бул укук коргоо институтунун ачыктыгынын жана жеткиликтүүлүгүнүн жогорулагандыгын көрсөтүп турат.

Кыйноолорго жана катаал мамилеге каршы туруу маселелерине өзгөчө көңүл бурулду. Омбудсмен Улуттук превентивдүү механизмдин иши жана бул чөйрөдө жетишилген натыйжалар жөнүндө айтып берди. Кыйноолор үчүн өзүнчө жазык курамын киргизүү жана бул кылмыштар үчүн жоопкерчиликти күчөтүү сыяктуу көрүлгөн чаралардын натыйжасында кыйноолордун катталган учурларынын санынын олуттуу төмөндөшү байкалууда.

Жолугушуунун соңунда Артур Ластаев европалык парламентчилерди Казакстандын адам укуктарын коргоого жана эл аралык уюмдар менен кызматташууга умтулаарына ишендирди. Ал белгилегендей, Акыйкатчы институту укуктук мамлекетти бекемдөө жана жарандардын укуктарын жана эркиндиктерин ишке ашыруу үчүн шарттарды түзүү боюнча өз ишин улантат.

Сүрөт: КР адам укуктары боюнча комиссары