Алматыда “БУУ Плаза” аянтчасында Казакстан, Кыргызстан, Тажикстан жана Өзбекстандын өкүлдөрүнүн башын бириктирген “Жаштар Борбор Азиянын туруктуу келечеги үчүн” форуму болуп өттү.

Куттуктоо сөзү менен Казакстандын Тышкы иштер министрлигинин Алматыдагы өкүлчүлүгүнүн жетекчиси, өзгөчө тапшырмалар боюнча Элчи Жанибек Абдрашов сөз сүйлөдү. Ал жаштардын глобалдык демилгелерге катышуусунун маанилүүлүгүн баса белгилеп, волонтердук долбоорлорго Казакстандын колдоосун жана Борбордук Азия менен Ооганстанда Туруктуу өнүгүү максаттарына жетүү боюнча иштерди координациялоо үчүн борбор катары Алматыдагы БУУнун Аймактык хабынын ролун белгиледи.

Ошондой эле катышуучуларга ПРООНдун Казакстандагы туруктуу өкүлү Катаржина Вавьерниа жана Япониянын дипломатиялык миссиясынын башчысынын орун басары Каната Томохиро кайрылышты. Панелдик сессияда Казакстандан Эмгек жана калкты социалдык коргоо министри Светлана Жакупова чыгып сүйлөп, региондун туруктуу келечегине карай жол катары жаштар үчүн жумуш менен камсыз кылуу мүмкүнчүлүктөрүн түзүүгө басым жасады.

Сүрөт: Астана акимчилиги