Алматыда «БҰҰ Плаза» алаңында Қазақстан, Қырғызстан, Тәжікстан және Өзбекстан өкілдерін біріктірген «Жастар Орталық Азияның тұрақты болашағы үшін» форумы өтті.

Ерекше тапсырмалар жөніндегі Елші және ҚР Сыртқы Істер Министрлігінің Алматыдағы өкілдігінің басшысы Жәнібек Әбдірашов құттықтау сөз сөйледі. Ол Қазақстанның волонтерлік жобаларды қолдауын және Орталық Азия мен Ауғанстандағы орнықты даму мақсаттарына қол жеткізу жөніндегі жұмысты үйлестіру орталығы ретіндегі БҰҰ-ның Алматыдағы өңірлік хабының рөлін көрсете отырып, жастардың жаһандық бастамаларға қатысуының маңыздылығын атап өтті.

Сондай-ақ, қатысушыларға БҰҰДБ-ның Қазақстандағы Тұрақты өкілі Катаржина Вавьерниа және жапон дипломатиялық миссиясы басшысының орынбасары Қаната Томохиро жүгінді. Панельдік сессияда Қазақстанның атынан еңбек және халықты әлеуметтік қорғау министрі Светлана Жақыпова өңірдің тұрақты болашағына жол ретінде жастарды жұмыспен қамту мүмкіндіктерін жасауға баса назар аударды.

Фото: Астана қаласының әкімдігі