Қазақстанның цифрлық даму Вице-министрі Мәлік Олжабеков Ресейдегі «Прогресс» зымыран-ғарыш орталығында болды. Сапардың мақсаты «Союз-5» жаңа зымыран тасығышын жасауға бағытталған «Бәйтерек»бірлескен ресейлік-қазақстандық жобасының іске асырылу барысын талқылау болды.

Сапар барысында қазақстандық делегация кәсіпорынның өндірістік алаңдарын аралап көрді, онда перспективалы зымыран тасығышты жасау жұмыстары жүргізілуде. «Прогресс» ЗҒО бас директоры Дмитрий Баранов жобаның ағымдағы жағдайы және қол жеткізілген нәтижелер туралы айтып берді.

Екі ел өкілдерінің қатысуымен өткен кеңесте «Бәйтерек»жобасын іске асырудың негізгі мәселелері талқыланды. Тараптар бірлесіп жұмыс істеуге өз міндеттемелерін растады және жобаның сәтті аяқталуына сенім білдірді.

«Бәйтерек» жобасы Қазақстанның ғарыш саласын дамытудағы және осы саладағы Ресей-Қазақстан ынтымақтастығын нығайтудағы маңызды қадам болып табылады. «Союз-5» жаңа зымыран тасығышы Қазақстанның ғарыштық зерттеулер және коммерциялық ұшырулар саласындағы мүмкіндіктерін кеңейтуге мүмкіндік береді.

Фото: ҚР ЦДИАӨМ