Бүгүн, 18-ноябрдагы Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында «2024-жылдын 1-августунда Бишкек шаарында кол коюлган Кыргыз Республикасынын Министрлер Кабинети менен Япониянын Өкмөтүнүн ортосундагы «Бишкек шаарындагы үчүнчү деңгээлдеги саламаттык сактоо уюмдарында медициналык жабдууларды жакшыртуу» долбоору боюнча алмашуу ноталарын жана Кыргыз Республикасынын Министрлер Кабинети менен Япониянын Эл аралык кызматташтык агенттигинин (JICA) ортосундагы «Бишкек шаарындагы үчүнчү деңгээлдеги саламаттык сактоо уюмдарында медициналык жабдууларды жакшыртуу» долбоору боюнча гранттык макулдашууну ратификациялоо жөнүндө» мыйзам долбоору каралып, үч окууда жактырылды.
Жыйында баяндама жасаган саламаттык сактоо министри Алымкадыр Бейшеналиев белгилегендей, бул гранттык макулдашуу саламаттык сактоо чөйрөсүндөгү кызмат көрсөтүүлөрдүн сапатын жакшыртууга, өлкөнүн калкынын ден соолугун коргоого жана чыңдоого багытталган.
Тагыраагы, япон тарап Бишкек шаарындагы үчүнчү деңгээлдеги саламаттык сактоо уюмдарында медициналык жабдууларды өркүндөтүү үчүн 1,5 миллиард япон иени өлчөмүндө грант берет.
Андан тышкары, «2024-жылдын 1-августунда Бишкек шаарында кол коюлган Кыргыз Республикасынын Министрлер Кабинети менен Япониянын Өкмөтүнүн ортосундагы «Эл аралык аэропорттордо аба кыймылын башкаруу каражаттарын жакшыртуу» долбоору боюнча алмашуу ноталарын жана Кыргыз Республикасынын Министрлер Кабинети менен Япониянын Эл аралык кызматташтык агенттигинин (JICA) ортосундагы «Эл аралык аэропорттордо аба кыймылын башкаруу каражаттарын жакшыртуу» долбоору боюнча гранттык макулдашууну ратификациялоо жөнүндө» мыйзам долбоору үч окууда колдоо тапты.
Мыйзам долбоорунун алкагында JICA тарабынан «Ош» аэропортундагы аэронавигациялык вышканы курууга жана «Манас» жана «Ысык-Көл» аэропротторундагы аэронавигациялык жабдыктарды модернизациялоо үчүн 2 153 000 000 япон йенинин болжол менен 1 147 256 662 сом өлчөмүндөгү грантты алууну жактыруу сунушталууда.
Муну менен катар «2024-жылдын 1-августунда Бишкек шаарында кол коюлган Кыргыз Республикасынын Министрлер Кабинети менен Япониянын Өкмөтүнүн ортосундагы «Адам ресурстарын өнүктүрүү боюнча стипендиялык программа» долбоору боюнча алмашуу ноталарын жана Кыргыз Республикасынын Министрлер Кабинети менен Япониянын эл аралык кызматташтык агенттигинин (JIСА) ортосундагы «Адам ресурстарын өнүктүрүү боюнча стипендиялык программа» долбоору боюнча гранттык макулдашууну ратификациялоо жөнүндө» мыйзам долбоору үч окууда жактырылды.
Ақпарат көзі: сайт https://caravan-info.kg/