Жыл басынан бері Балқаш көліне 13,5 миллиард текше метр су жіберілді. Осының арқасында көлдегі судың орташа деңгейі Балтық жүйесі бойынша 341,60 метрге жетті. Бұл нәтиже көлді қоректендіретін Іле өзенінің су ағынының көбеюіне байланысты мүмкін болды.

Балқаштағы су деңгейінің көтерілуі Қазақстанның көрші елдермен бірлескен жұмысының нәтижесі болды. Атап айтқанда, трансшекаралық су ресурстарын бірлесіп пайдалану мәселелері бойынша Қытаймен, Ресеймен және Орталық Азия елдерімен көптеген келіссөздер жүргізілді. Осы келіссөздердің арқасында Қапшағай су қоймасының су қорын ұлғайтуға мүмкіндік туды, бұл қосымша су көлемін Балқаш көліне жіберуге мүмкіндік берді.

Су ресурстары және ирригация министрі Нұржан Нұржігітовтың айтуынша, Қазақстан су ресурстарын басқару саласындағы халықаралық ынтымақтастықты нығайту бойынша жұмысты жалғастыруда. Атап айтқанда, Балқаш көліне тұрақты су ағынын қамтамасыз етуге және оның экожүйесін қолдауға бағытталған Қытаймен үкіметаралық келісім жобасы әзірленуде.

Фото: gov.kz