Urganch shahrida transport xizmatini yaxshilash uchun keltirilgan 50 ta yangi zamonaviy avtobus taqdimoti o‘tkazildi.

Taqdimot davomida yo‘lovchi tashish sohasidagi joriy loyihalar va kelajakdagi rivojlanish rejalari haqida ma’lumot berildi. Yil oxirigacha yana 30 ta shunday avtobus yetkazib berilishi rejalashtirilgan bo‘lib, bu shahar avtoparkini 148 taga yetkazish imkonini beradi. Yangi avtobuslar 16 yo‘nalishda qatnaydigan bo‘lib, kuniga 136 mingga yaqin yo‘lovchini tashishni ta’minlaydi.

Rejalashtirilgan o‘zgarishlar avtobuslarni kutish vaqtini 18 daqiqadan 10 daqiqagacha qisqartirish, shuningdek, shahardagi tashish hajmini ikki barobardan ko‘proq oshirish imkonini beradi. Urganchdagi to‘rtta yo‘nalish brutto-shartnoma asosida xizmat ko‘rsatadi, bu esa sifat va qulaylik standartlariga rioya etilishini kafolatlaydi.