Илгари тўлиқ истеъфога чиққан Япония ҳукумати Сигэра Исибани мамлакатнинг янги бош вазири этиб танлади.

Исиба сайловларнинг иккинчи босқичида ғолиб чиқди, бу сўнгги 30 йил ичида биринчи шундай ҳолат эди. 27 октябрь куни парламентнинг қуйи палатасига сайловлардан сўнг ўтказилган биринчи турда ҳеч бир номзод ғалаба қозониш учун зарур бўлган 233 овозни ололмади. Ўша пайтда Исиба 221 овоз олди, унинг асосий рақиби, Конституциявий демократик партия вакили Есихико Нода 151 овоз, демократик партия раҳбари Юитиро Taмаки — 28 овоз тўплади.

Иккинчи даврада фақат Исиба ва Нода премьерлик учун кураш олиб боришди. Исибанинг 221 овози Ноданинг 160 овозига қарши, ва у ўзига Япониянинг 103 чи Бош вазири ўрнини таъминлади.

Сигэру Исиба миллий хавфсизлик ва ҳарбий сиёсат масалаларида фаол позицияси билан танилган. Унинг мудофаани кучайтириш, шу жумладан «Осиё НАТО» сини яратиш ва минтақада Aмерика ядро қуролини жойлаштириш ҳақидаги қарашлари эътиборни тортади, шунингдек, Япония ва халқаро сиёсатчилар ўртасида мунозараларга сабаб бўлади.

Исиба кун давомида тузадиган янги кабинет император Нарухитога тасдиқлаш учун тақдим этилади. Вазирлар Маҳкамасида минимал ўзгаришлар бўлиши кутилмоқда, учта тайинлаш бундан мустасно — Адлия вазири, Қишлоқ хўжалиги вазири ва Tранспорт вазири.

Сурат: x.com/shigeruishiba