Тожикистон Республикаси Энергетика ва сув ресурслари вазири Далер Жумъа Марказий Осиё минтақавий иқтисодий ҳамкорлик дастурининг (МОМИҲ) 23-Вазирлар конференциясида иштирок этди ва ялпи мажлисда нутқ сўзлади.

«МОМИҲ минтақасида декарбонизация ва минтақавий энергия хавфсизлигини тарғиб қилиш» сессиясида сўзга чиққан Далер Жумъа шундай деди: «Минтақадаги энг йирик гидроэлектростанциялардан бири бўлган Рогун ГЭС аллақачон иккита фойдаланишга топширилган электр агрегатидан 7,5 миллиард квт / соатдан ортиқ электр энергиясини ишлаб чиқарди».

Вазирнинг таъкидлашича, келажакда Рогун ГЭС и нафақат Тожикистоннинг энергия хавфсизлигини мустаҳкамлайди, балки қўшни мамлакатларга электр энергияси экспорти ҳажмини оширишга ҳам ҳисса қўшади. Минтақада ўсиб бораётган энергия эҳтиёжларини қондириш учун ишлаб чиқарилган қувватнинг 70% гача ёки тахминан 10 миллиард квт / соат экспорт қилиниши кутилмоқда.

Глобал иқлим ўзгариши шароитида муҳим аҳамият касб этаётган углерод чиқиндиларини камайтириш ва атроф-муҳитга таъсирини минималлаштириш мақсадида қайта тикланадиган энергия манбалари, хусусан гидроэнергетика улушини кўпайтириш муҳимлигига алоҳида эътибор қаратилди.

Конференцияда МОҲИМ га аъзо давлатларнинг барқарор ривожланиши, минтақадаги иқтисодий интеграция ва бошқа долзарб масалалар муҳокама қилинди.

Сурат: ТР Энергетика ва сув хўжалиги вазирлиги