Тажикстан Республикасынын Президенти Эмомали Рахмон биргелешкен араб-ислам чукул саммитине катышуу үчүн Сауд Арабия Падышачылыгынын Эр-Рияд шаарына келди.

Тажикстан Республикасынын Президентинин  Падыша Халид эл аралык аэропортунда Эр-Рияд провинциясынын эмиринин орун басары ханзаада Мухаммед ибн Абдель Рахман Аль Сауд жана Сауд Арабия Падышачылыгынын жогорку даражалуу өкүлдөрү жылуу жана чын жүрөктөн тосуп алышты.

Эр-Рияд шаарында Эмомали Рахмон кезексиз биргелешкен араб-ислам саммитинин  алкагында Сауд Арабиянын инвестиция министри Халид Аль-Фалих менен жолугушту.

Эмомали Рахмон соода-экономикалык байланыштарды өнүктүрүү жана кеңейтүү кызматташуунун негизги багыттарынын бири экендигин баса белгиледи.

Тараптар инвестициялык, техникалык жана маданий кызматташтыкты кеңейтүү маселелерин талкуулашты.

Тажикстан менен Сауд Аравиясынын Өкмөттөр аралык комиссиясынын отурумдарын, бизнес-форумдарды жана продукциялардын көргөзмөлөрүн үзгүлтүксүз өткөрүп туруу, ошондой эле инвестициялык долбоорлорду каржылоо боюнча Тажикстан менен Сауд Аравиясынын биргелешкен фондун түзүү иштин пайдасына аталды.

Белгиленгендей, эки өлкө ортосунда жеңил, тамак-аш, металлургия, фармацевтика өнөр жайы, ошондой эле энергетика жана айыл чарба тармактарында биргелешкен инвестициялык долбоорлорду ишке ашыруу үчүн чоң потенциал бар. Заманбап логистикалык борборлорду жана биргелешкен өндүрүш ишканаларын түзүү зарыл деп табылды.

2023-жылдын март айынан баштап Душанбе-Жидда-Душанбе багыты боюнча түз каттамдардын ачылышы өз ара пайдалуу байланыштарды кеңейтүүгө карай жакшы кадам катары бааланды. Душанбе-Эр-Рияд-Душанбе багыты боюнча түз каттам ишке киргизилет жана анын негизинде Сауд Арабиядан Тажикстанга туристтердин баруусу көбөйөт деген үмүт айтылды.

Сүрөт: Тажикстан Республикасынын Президентинин басма сөз кызматы