Астанада азаматтық бастамаларды қолдау мәселелеріне арналған үйлестіру кеңесінің отырысы өтті. Кеңес жұмысына Парламент депутаттары, мемлекеттік органдар мен үкіметтік емес ұйымдардың өкілдері қатысты.

Қатысушылар мемлекет пен ҮЕҰ өзара іс-қимылының тетіктерін, сондай-ақ әлеуметтік жобаларды іске асырудың тиімділігін арттыру жолдарын талқылады. Отырыста алғаш рет ҮЕҰ басшыларының балама баяндамалары тыңдалды, бұл олардың әлеуметтік мәселелерді шешуге қосқан үлесін бағалауға мүмкіндік берді.

Астана әкімдігі кеңес мүшелеріне іске асырылған жобалармен танысу үшін баспасөз турын ұйымдастыруды ұсынды. Сондай ақ отырысқа қатысушылар Алматының орнықты даму мақсаттарын іске асырудағы оң тәжірибесін атап өтіп оны басқа өңірлерге таратуды ұсынды.

Отырыс қорытындысы бойынша мемлекет пен ҮЕҰ өзара іс-қимылының ашықтығы мен тиімділігін арттыру бойынша ұсынымдар әзірленді. Атап айтқанда, әлеуметтік жобалардың іске асырылуына қоғамдық бақылауды күшейту және оларды халықтың қажеттіліктеріне неғұрлым нақты бағдарлау ұсынылды.

Фото: ҚР мәдениет және ақпарат министрлігінің баспасөз қызметі