Қазақстанның Ресейдегі елшісі Д. Абаев Ресей Сауда-Өнеркәсіп палатасының (СӨП) Президенті С.Катыринмен кездесті. Талқылау барысында өнеркәсіптік кооперацияны кеңейтуге және екі ел арасындағы тауар айналымын арттыруға басты назар аударылды. Д. Абаев Қазақстанның көлік-логистикалық секторының елеулі мүмкіндіктерін және қолайлы инвестициялық ахуал жасауға бағытталған күш-жігерді атап өтті. Ол сондай ақ Қазақстан Үкіметі жанындағы Инвестициялық штабтың шетелдік инвесторларды қолдаудағы рөлін атап өтті.

С. Катырин өз кезегінде Ресейдің 70-тен астам өңірлік палатасы Қазақстанмен бірлескен іскерлік және өнеркәсіптік бастамаларға белсенді қатысатынын атап өтті, бұл өңіраралық ынтымақтастықты нығайтуға ықпал етеді.

Тараптар сондай-ақ Еуразиялық экономикалық одақ шеңберіндегі, атап айтқанда, өнеркәсіптік кооперацияны дамытуға бағытталған қаржылық қолдау тетіктерін тарта отырып, ықтимал жобаларды талқылады. Кездесу қорытындысы бойынша бірлескен іс-шараларды өткізу туралы уағдаластыққа қол жеткізілді, бұл қатысушылардың пікірінше, Қазақстан мен Ресейдің бизнес-қауымдастықтары арасындағы өзара тиімді әріптестікті тереңдетуге мүмкіндік береді.

Фото: Қазақстан Республикасының Ресей Федерациясындағы елшілігі