18-ноябр куни Қозоғистонда коррупцияга қарши хизмат кунининг биринчи расмий байрами бўлиб ўтди.
Тантанали тадбир Коррупцияга қарши курашиш агентлигида ходимлар, хизмат фахрийлари ва жамоатчилик вакиллари иштирокида бўлиб ўтди. 18-ноябр санаси тасодифан танланмаган: 2014 йилнинг шу куни Қозоғистон қонунчилигига «Коррупцияга қарши хизмат органлари» тушунчаси киритилган.
Сўнгги йилларда Агентлик коррупцияга қарши курашда сезиларли ютуқларга эришди. Янги қонун ҳужжатлари ишлаб чиқилди ва жорий этилди, ошкораликни ошириш ва коррупция хавфини минималлаштириш учун рақамли воситалар яратилди. Бугунги кунда Агентлик Қозоғистонда коррупцияга қарши курашнинг асосий институтларидан бири ҳисобланади.
Коррупцияга қарши курашиш хизмати кунини нишонлаш доирасида коррупцияга қарши курашга катта ҳисса қўшган энг яхши ходимлар тақдирланди. Қозоғистонда коррупцияга қарши курашиш учун асос солган хизмат фахрийларига алоҳида миннатдорчилик билдирилди.
Сурат: ҚР Антикор