Бишкекте ысык суу жана жылытуу параметрлери убактылуу төмөндөтүлөт, деп билдирет мэриянын маалымат кызматы. 

Билдирүүгө ылайык, “Бишкек жылуулук тармагы” муниципалдык ишканасы 27-ноябрда тышкы абанын температурасы +18°Cге чейин жогорулай тургандыгына  байланыштуу ЖЭБ-1 жана «Бишкексельмаш» отканасынын аралыгындагы жылуулук энергиясын кайра бөлүштүрүү боюнча иштерди жүргүзөт.

Иш-чаралардын максаты — Шабдан Баатыр жана Достоевский көчөлөрүнүн кесилишинде жайгашкан диаметри 720 мм болгон магистралдык түтүктөгү агып кетүүнү жоюу.

Которуу мезгилинде шаардын айрым аймактарында ысык суу менен камсыздоо жана жылытуу параметрлеринин кыска мөөнөткө төмөндөшү мүмкүн. Иш гидротехникалык шарттарды жана жылуулук менен камсыздоону жакшыртууга, суук мезгилде мүмкүн болуучу кесепеттерин алдын алууга  багытталган.  

Белгилей кетсек, оңдоп-түзөө иштери жүргүзүлө турган түтүк 1989-жылы пайдаланууга берилип, өзүнүн стандарттык мөөнөтүн толук аткарып, капиталдык оңдоону талап кылат.

Ақпарат көзі: сайт https://caravan-info.kg/