24-27 қараша аралығында Тәжікстанда Беларуссияның мәдениет күндері өтеді.

Тәжікстан Республикасындағы Беларусь мәдени күндері екі мемлекет арасындағы мәдени байланыстарды нығайту мақсатында өткізіледі.

Естеріңізге сала кетейік, Тәжікстан Республикасы 1996 жылы 5 қыркүйекте Беларусь Республикасымен дипломатиялық қарым-қатынас орнатты.  1997 жылы Тәжікстан Республикасының Беларусь Республикасындағы Елшілігі құрылды, ал 2011 жылы Беларусь Республикасының Тәжікстан Республикасындағы Елшілігі Душанбеде өз қызметін бастады.

Тәжікстан Республикасы мен Беларусь Республикасының мәдени ынтымақтастығы үнемі дамып келеді. Екі мемлекеттің мәдени байланыстарын нығайту және мәдениеті мен қолөнерін өзара таныстыру мақсатында бүгінгі күнге дейін Беларусь Республикасының Тәжікстан Республикасындағы мәдениет күндері 2007, 2015, 2018 жылдары, ал Тәжікстан Республикасының Беларусь Республикасындағы мәдениет күндері 2008, 2016 және 2021 жылдары өткізілді.

Фото: Тәжікстан СІМ