Сербияға сапары аясында Қазақстан Президенті Қасым-Жомарт Тоқаев Белград маңындағы «Батайница» әуеайлағындағы қорғаныс өнеркәсібінің көрмесіне барды. Экспозицияны қарау кезінде оны Сербия Президенті Александр Вучич ертіп жүрді.

Көрмеде Сербияның әскери-өнеркәсіптік индустриясының жетістіктері, соның ішінде жердегі әскери техниканың үлгілері, сербиялық қару-жарақпен жабдықталған тікұшақтар, әуе қорғанысы жүйелері, атыс қаруы, сондай-ақ оқ-дәрілердің кең ассортименті ұсынылды.

Сербия БАӘ, Сауд Арабиясы, АҚШ және Индонезияны қоса алғанда, 70-ке жуық елмен ынтымақтаса отырып, әскери өнімдер экспорты бойынша аймақта жетекші орын алады.

Қазақстан Президенті сербиялық қорғаныс өнеркәсібінің Қазақстанның қорғаныс әлеуетін дамыту үшін бай тәжірибесінің маңыздылығын атап өтіп, осы саладағы екіжақты ынтымақтастықтың перспективаларын атап өтті.

Фото: Ақорданың баспасөз қызметі