Qozonda dunyoning 40 mamlakatidan ishtirokchilarni to‘plagan turkiy va sharq xalqlari xalqaro festivali “Sharq bozori” o‘z ishini boshladi.

Festival doirasida o‘tkazilgan rasmiy uchrashuvda O‘zbekiston va Tatariston o‘rtasidagi hamkorlikni mustahkamlash masalalari muhokama etildi. Muzokaralarda O‘zbekistonning Qozondagi Bosh konsuli Nodir Qosimov, Qoraqalpog‘iston Vazirlar Kengashi raisining o‘rinbosari Rahmatulla Zariqayev, Qoraqalpog‘iston madaniyat vaziri Bekzat Temirbayev, shuningdek, Tatariston vazirliklari vakillari qatnashdi. Madaniy aloqalar, turizm rivojlanishi va tajriba almashish masalalari ko‘rib chiqildi. O‘zbekistonda muvaffaqiyatli o‘tkazib kelinayotgan “Uch avlod” uchrashuvlarini Tataristonda ham tashkil etish bo‘yicha takliflar ilgari surildi.

Muzokaralardan so‘ng festivalning tantanali ochilish marosimi bo‘lib o‘tdi. O‘zbekistonlik san’atkorlar, jumladan, “Nihol” mukofoti sovrindori Abduvali Piyozov va xalq ijrochisi Bekzat Temirboyev sahnaga chiqib, tomoshabinlarga o‘z qo‘shiqlarini taqdim etdilar va yaxshi kayfiyat ulashdilar.

Festival doirasida Qoraqalpog‘iston ustalari va rassomlari ko‘rgazmasi ish boshladi, unda hududning boy madaniy merosi namoyish etildi.

Festival 30-noyabrgacha davom etadi.