Берік Асыловтың басшылығымен өткен Бас прокуратура алқасында жергілікті атқарушы органдардың азаматтардың өтініштерімен жұмысының тиімділігі басты мәселе болды.

Бас прокурор «Естіуші мемлекет» қағидаттарын нығайтудың маңыздылығын атап өтіп, өтініштермен жұмыс істеу сапасы азаматтардың билікке деген сенім деңгейіне және елдегі тұрақтылыққа тікелей әсер ететінін атап өтті. Халықты толғандыратын ең өзекті мәселелерге: жер мәселелеріне, құрылысқа, әлеуметтік салаға, ТКШ-ға және тұрғын үй комиссияларының шешімдеріне ерекше назар аударылды.

Прокурорлық тексерулерді талдау әкімдіктердің жұмысында ресми жауаптар, әуре-сарсаңдар және өтініштерді қарау мерзімдерін бұзу сияқты кемшіліктер бар екенін көрсетті. Осыған байланысты прокурорлық ден қоюдың тиісті шаралары қабылданды және бірқатар лауазымды тұлғалар жауапқа тартылды.

Азаматтардың өтініштерін қарау саласындағы ахуалды жақсарту үшін мынадай ұсынымдар әзірленді: неғұрлым өзекті проблемаларды анықтау және уақтылы шаралар қабылдау үшін жасанды интеллектті пайдалану, өтініштерді қарау тәртібі мен қол жеткізілген нәтижелер туралы халықты белсенді хабардар ету, прокурорлар уәкілетті органдармен бірлесіп өтініш берушілердің барлық бұзылған құқықтарын қалпына келтіруге және заңсыз шешімдердің күшін жоюға ұмтылуға тиіс.

Фото: ҚР Бас прокуратурасы