Қозоғистон президенти Қасим-Жомарт Тоқаев халқаро экологик ҳамкорлик бўйича маслаҳатчи ва махсус вакили Зулфия Сулаймонова билан учрашув ўтказди.
Давлат раҳбарига Бакуда бўлиб ўтган БМТ нинг иқлим ўзгариши бўйича доиравий Конвенцияси томонларининг 29-конференцияси натижалари, шунингдек, 3 декабр куни Ар-Риёдда бўлиб ўтадиган One Water Summit га тайёргарлик ҳақида маълумот берилди. Саммитга Жаҳон банки ва Саудия Арабистони кўмагида Қозоғистон ва Франция раислик қилади.
Президент сув ресурсларини сақлаш, биохилма-хилликни сақлаш ва иқлим ўзгаришига қарши курашиш билан боғлиқ экологик ташаббусларни ишлаб чиқишга алоҳида эътибор қаратиш, бу масалаларда Қозоғистоннинг халқаро майдондаги фаол роли муҳимлигини таъкидлади.
Сурат: Ақорда матбуот хизмати