Қазақстан көлік министрлігі Қытаймен шетелдік рұқсат бланкілерін (ШРБ) электрондық айырбастауға көшу туралы хабарлады. Бұл құжат жүк тасымалдаушыларға халықаралық рейстерді жүзеге асыруға мүмкіндік береді. Жаңа жүйе бойынша шекара арқылы жүк көліктерінің алғашқы сынақтары 26-27 қарашаға қараған түні өтті, ал 29 қарашадан бастап жүйе ресми түрде іске қосылды.

2023 жылы елдер арасында рекордтық айырбас жасалды — 190 мың бланк, бұл өткен жылдардағы көрсеткіштерден едәуір асып түсті. Қосымша 40 мың ШРБ алмасу келісілді, оның 30 мыңы электрондық форматта ресімделді. ҚХР-мен айырбастаудың жалпы көлемі екі жылда төрт еседен астам, 50-ден 230 мың бланкке дейін өсті.

«Электрондық форматқа көшу — халықаралық тасымалдарды жеңілдету үшін маңызды қадам. Бұл Мемлекет басшысының Қытайға сапарлары аясында қол жеткізілген уағдаластықтардың арқасында мүмкін болды», — деп атап өтті Автомобиль көлігі комитеті.

Жалпы, 2023 жылы Қазақстан 42 елмен 364 705 бланкке рекордтық рұқсат алмасуды жүзеге асырды. Нәтижесінде халықаралық маршруттардағы қазақстандық тасымалдаушылардың үлесі 2021 жылғы 31% — дан 2023 жылы 52% — ға дейін өсті.

Фото: ҚР Көлік министрлігі