Rossiya Bosh vazirining birinchi o‘rinbosari Denis Manturov va O‘zbekiston Bosh vaziri o‘rinbosari Jamshid Xo‘jayev Rossiya-O‘zbekiston hukumatlararo komissiyasining 25-yig‘ilishini o‘tkazib, ikki tomonlama hamkorlikning asosiy yo‘nalishlarini muhokama qildilar.

2024-yilning to‘qqiz oyi yakunlariga ko‘ra, Rossiya va O‘zbekiston o‘rtasidagi tovar aylanmasi 10 foizga o‘sdi. Mamlakatlar o‘rtasidagi hisob-kitoblarning 70 foizdan ortig‘i allaqachon milliy valyutalarda amalga oshirilmoqda, bu esa savdoning barqaror rivojlanishiga ko‘maklashmoqda.

Ayni shu davrda Rossiyaning O‘zbekiston iqtisodiyotiga kiritgan sarmoyalari hajmi 17 foizga oshdi. Respublikada Rossiya ishtirokidagi 3 mingdan ortiq korxona faoliyat yuritmoqda, bu chet el kapitali ishtirokidagi barcha kompaniyalarning to‘rtdan bir qismini tashkil etadi.

Tovar aylanmasi hajmini oshirish maqsadlariga erishish uchun hamkorlikni kengaytirishga qaratilgan bir qator ikki tomonlama hujjatlar imzolandi. Bular orasida yangi texnologiyalarni o‘zlashtirish va eksportni kengaytirish loyihalari ham bor.

Tomonlar transport, qishloq xo‘jaligi va elektron savdo sohalaridagi hamkorlikni ham muhokama qildilar.