O‘zbekiston Madaniyat vazirining maslahatchisi Shohrux Akbarov Koreya Respublikasi Miryang madaniyat jamg‘armasi prezidenti janob Chi U bilan uchrashuv o‘tkazdi.
Muzokaralar davomida tomonlar mamlakatlar o‘rtasidagi madaniy aloqalarni rivojlantirish istiqbollarini muhokama qilib, nomoddiy madaniy merosni asrab-avaylashga alohida e’tibor qaratdilar.
Uchrashuv ishtirokchilari ushbu sohadagi hamkorlikni mustahkamlashga o‘zaro qiziqish bildirdilar. Koreya tomoni 2025-yilda O‘zbekiston va Koreya o‘rtasidagi Madaniy almashinuv yiliga bag‘ishlangan madaniy dasturni Miryang shahrida o‘tkazishni taklif etdi. Vakillarning ta’kidlashicha, ushbu tashabbus ikki mamlakat xalqlari o‘rtasidagi do‘stlik va o‘zaro anglashuvni mustahkamlashda muhim qadam bo‘ladi.