Акылбек Жапаров 2025-жылга чейин Евразиялык экономикалык интеграцияны өнүктүрүүнүн стратегиялык багыттарын ишке ашыруу маселесине токтолду.  Бул тууралуу Москва шаарында өткөрүлгөн Евразия өкмөттөр аралык кеңешинин жыйынында сүйлөгөн сөзүндө Кыргыз Республикасынын Министрлер Кабинетинин Төрагасы Акылбек Жапаров билдирди.

“Биринчиден, бир катар илимпоздордун пикири боюнча дүйнөнүн өнүккөн экономикалары Кондратьевдин улуу циклинин алтынчы толкунуна киришти. Жаңы технологиялык структуранын мүмкүнчүлүктөрүн өздөштүрүү үчүн биз бүгүнкү күндө бардык интеллектуалдык жана адамдык потенциалды мобилизациялап, натыйжалуу инновациялык жана инвестициялык саясатты түзүшүбүз керек. Биз биргелешкен кадам шилтеп, Союздун экономикасын жана өндүрүшүн өнүктүрүүнүн жыргалчылыгы үчүн жасалма интеллектти активдүү ишке киргизүүгө киришүү эмне үчүн болбосун. Экономикалык өсүү темпин жогорулатуу үчүн ЕАЭБге мүчө мамлекеттер илимий-техникалык өнүгүүгө инвестицияларды стимулдаштыруу, өндүрүштү модернизациялоо жана анын натыйжалуулугун жогорулатуу боюнча чараларды активдештирүүлөрү керек, бул инвестициялык жана инновациялык активдүүлүктү жогорулатат”, – деди ал. 

Акылбек Жапаров коомдук саламаттыкты сактоо, азык-түлүк тартыштыгы жана климаттын өзгөрүшү сыяктуу глобалдуу көйгөйлөрдү чечүүгө жардам берген биотехнологияларды өнүктүрүүнүн маанилүүлүгүн белгиледи.

“Дүйнөлүк биотехнология рыногунун 60% жакынын биофармацевтика жана биомедицина сектору ээлейт. Ошол эле учурда Биримдиктин бардык мүчө-мамлекеттери өндүрүштүк кооперациянын жана финансылоонун инструменттери болгондо өздөштүрө ала турган бир катар технологиялар бар. Айыл чарба тармагындагы биотехнологиялар эки тарапты кызыктырышы мүмкүн”, – деди ал.

Ақпарат көзі: сайт https://caravan-info.kg/