O‘zbekistonning asosiy transport yo‘nalishlaridan biri hisoblangan Qamchiq dovonida A-373 avtoyo‘lida tosh ko‘chkilarining oldini olish va harakatlanish xavfsizligini ta’minlash bo‘yicha chora-tadbirlar amalga oshirilmoqda.

Yo‘l harakati xavfsizligi xizmati (YHXX), Favqulodda vaziyatlar vazirligi (FVV) va “Qamchiqavtoyo‘l” kompaniyasi xodimlari tosh ko‘chishi xavfi yuqori bo‘lgan hududlarda birgalikda ish olib bormoqdalar. Ushbu tadbirlarning asosiy maqsadi xavf-xatarni kamaytirib, tog‘ dovonidan o‘tayotgan haydovchi va yo‘lovchilarning xavfsizligini ta’minlashdan iborat.