Layli Seitova Qoraqalpog‘iston Respublikasi ekologiya, atrof-muhitni muhofaza qilish va iqlim o‘zgarishi vaziri lavozimini egalladi.

Seitova 1970-yil 23-iyunda Nukus shahrida tug‘ilgan. U 1992-yilda Moskva davlat universitetini tamomlagan va mehnat faoliyatini Toshkent pediatriya tibbiyot instituti Nukus filialida o‘qituvchi sifatida boshlagan. Ish faoliyati davomida turli lavozimlarda ishlagan, jumladan Qoraqalpog‘iston Milliy banki, Nukus qishloq xo‘jaligi kolleji va Qoraqalpoq davlat universitetida vazifalarni bajargan.

Seitova shuningdek, Qoraqalpog‘iston Respublikasi G‘aznachiligi va O‘zbekiston Moliya vazirligi tuzilmalarida faoliyat yuritgan, keyinchalik Nukus shahar moliya bo‘limiga rahbarlik qilgan. Vazir etib tayinlanishidan oldin u Oliy Majlis Qonunchilik palatasining Byudjet va iqtisodiy islohotlar qo‘mitasi a’zosi bo‘lgan.