“O‘zcharmsanoat” uyushmasining ma’lum qilishicha, 2024-yilda O‘zbekiston korxonalari 82,5 million juft poyabzal ishlab chiqargan. Natijada, mamlakatda charm mahsulotlari ishlab chiqarish hajmi 545,8 million kvadrat detsimetrni tashkil etdi. O‘tgan yili O‘zbekiston charm-poyabzal sanoatida ishlab chiqarilgan mahsulotlarning umumiy qiymati 3,6 trillion so‘mni tashkil etdi.

Bundan tashqari, 2024-yilda 164,1 milliard so‘mlik charm-attorlik mahsulotlari ishlab chiqarildi, mo‘yna va qorako‘l mahsulotlari ishlab chiqarish qiymati esa 3,6 milliard so‘mdan oshdi.

Jelatin mahsulotlari ishlab chiqarish hajmi 188 milliard so‘mni tashkil etdi.