O‘zbekiston Prezidenti Shavkat Mirziyoyev Birlashgan Arab Amirliklari Prezidenti Shayx Muhammad bin Zoid Ol Nahayonning taklifiga binoan 13-16 yanvar kunlari BAA ga rasmiy tashrif bilan boradi.

Tashrif doirasida Abu-Dabi va Dubayda tadbirlar o‘tkazilishi rejalashtirilgan. Amirliklar poytaxtida O‘zbekiston rahbari BAA prezidenti bilan muzokaralar olib boradi, yirik davlat tashkilotlari, kompaniyalar va banklar rahbarlari bilan uchrashadi, shuningdek, “Abu-Dabi barqaror rivojlanish haftaligi” xalqaro sammitida ishtirok etadi.

Dubayda BAA vitse-prezidenti, bosh vaziri va Dubay amiri Shayx Muhammad bin Roshid Ol Maktum bilan uchrashuv bo‘lib o‘tadi.

Asosiy e’tibor investitsiyalar, “yashil” energetika, infratuzilma, raqamlashtirish, sun’iy intellekt, innovatsion rivojlanish va turizm sohalarida O‘zbekiston-BAA munosabatlarini mustahkamlashga qaratiladi. Shuningdek, madaniy-gumanitar hamkorlikni faollashtirish ham ko‘zda tutilgan.