Қирғизистон Вазирлар Маҳкамаси матбуот хизматининг хабар беришича, Қирғизистон Республикаси Вазирлар Маҳкамаси раиси — Қирғизистон Республикаси Президенти маъмурияти раҳбари Ақылбек Жапаров амалий ташриф билан Тошкентга келди. Уни Ислом Каримов халқаро аеропортида Ўзбекистон Бош вазири Абдулла Арипов кутиб олди.

Ақылбек Жапаров ишчи сафари давомида икки томонлама ҳамкорлик бўйича ҳукуматлараро комиссия йиғилишида иштирок этди. Шунингдек, у Тошкент халқаро инвестициявий форумида бўлиб, Ўзбекистондаги энергетика ва қурилиш компаниялари раҳбарлари билан музокаралар ўтказди.

Ушбу учрашувлар икки мамлакат ўртасида қурилиш ва инфратузилма лойиҳалари бўйича ҳамкорликни ривожлантиришда муҳим қадам бўлиб, иқтисодий алоқаларни мустаҳкамлаш ва инвестиция соҳасида тажриба алмашишга хизмат қилди.

Фото: Қирғизистон Республикаси Вазирлар Маҳкамаси матбуот хизмати