Қазақстан Сыртқы істер министрінің орынбасары Әлібек Бақаев қазақ-түрік үкіметаралық экономикалық комиссиясының 13-ші отырысы аясында Түркия Сыртқы істер министрінің орынбасары Бурак Ақчапармен кездесу өткізді.

Келіссөздер барысында тараптар екі ел арасындағы көпжақты ынтымақтастықты кеңейту мәселелерін талқылады.

А. Бақаев пен Б. Ақчапар саяси, экономикалық, әлеуметтік, мәдени салалардағы өзара іс-қимылды және Қазақстанның түркі мемлекеттері ұйымына төрағалық ету мәселесін қарастырды.

Кездесу қорытындысы бойынша қатысушылар Үкіметаралық экономикалық комиссияның нәтижелілігіне сенім білдіріп, екіжақты қатынастарды кешенді дамытудың маңыздылығын атап өтті.

Болашақта Сыртқы істер министрлері деңгейінде стратегиялық жоспарлаудың 8-ші бірлескен тобының және мемлекет басшыларының төрағалығымен жоғары деңгейдегі стратегиялық ынтымақтастықтың 5-ші кеңесінің екіжақты отырыстары өтуі тиіс.

Фото: Қазақстан СІМ